దర్శకుడు శంకర్, తమిళ ప్రొడక్షన్ హౌస్ లైకా ప్రొడక్షన్స్ పాల్గొన్న ‘భారతీయుడు 2’ చిత్రానికి సంబంధించిన వివాదం కొత్త మలుపు తిరిగింది. ఈ వారం ప్రారంభంలో, శంకర్ మద్రాస్ హైకోర్టులో కౌంటర్ పిటిషన్ దాఖలు చేశాడు మరియు ఈ చిత్రం షూటింగ్ ఆలస్యం అయినందుకు లైకా మరియు హీరో కమల్ హాసన్ పై నిందలు వేశారు.
దీని గురించి తెలుసుకున్న లైకా ప్రొడక్షన్, ఊహించని విధంగా శంకర్కు షాక్‌ ఇచ్చింది. శంకర్ తన భవిష్యత్ ప్రాజెక్టులను తెలుగు మరియు హిందీ భాషలలో ధృవీకరించినట్లు మనకు తెలుసు, లైకా శంకర్కు వ్యతిరేకంగా తెలుగు ఫిల్మ్ ఛాంబర్ మరియు బాలీవుడ్ ఛాంబర్‌కు లేఖ రాసింది. ‘భారతీయుడు 2’ సినిమా పూర్తీ చేసే వరకు శంకర్ ఏ ప్రాజెక్టును చేపట్టనివ్వవద్దని ప్రొడక్షన్ హౌస్ రెండు సినీ పరిశ్రమలను కోరింది.
మెగాపవర్‌స్టార్ రామ్ చరణ్‌తో కలిసి శంకర్ ఒక చిత్రాన్ని ప్రకటించారు. ఈ సినిమాను టాలీవుడ్‌ అగ్ర నిర్మాత ‘దిల్’ రాజు నిర్మిస్తున్నాడు. ఇంకోటి బాలీవుడ్ లో శంకర్ ‘అపరిచితుడు’ యొక్క హిందీ రీమేక్‌ని రణ్‌వీర్‌సింగ్‌తో తెరకెక్కిస్తున్నట్లు ప్రకటించారు. భారతీయుడి 2 సినిమా కారణంగా ఈ రెండు సినిమాలు ఆలస్యం అయ్యే అవకాశముంది. లైకా, శంకర్ కేసు జూన్ 4 న మద్రాస్ హెచ్‌సిలో విచారణకు రానుంది. లైకా రాసిన లేఖకు రెండు పరిశ్రమలు ఎలా స్పందిస్తాయో చూడాల్సి ఉంది.
