ఈ నెల 22న మెగాస్టార్ చిరంజీవి తన పుట్టిన రోజు వేడుకను కుటుంబ సభ్యులు, స్నేహితులు మరియు అభిమానుల సమక్షంలో ఘనంగా జరుపుకున్నారు. ఈ సందర్భంగా మెగా ఫ్యామిలీ ఒక వీడియోని విడుదల చేసింది. ప్రస్తుతం ఈ వీడియో సోషల్ మీడియాలో ట్రెండింగ్ లో ఉండి.
ఇక ఈ వీడియోలో స్టైలిష్ స్టార్ అల్లు అర్జున్ లేకపోవడం చాలా మంది దృష్టిని ఆకర్షించింది. దీంతో సోషల్ మీడియాలో ఈ విషయం పై అనేక చర్చలు నడుస్తున్నాయి. అయితే, అల్లు అర్జున్ తండ్రి అల్లు అరవింద్ ఈ వేడుకకు సతీ సమేతంగా హాజరయ్యారు. అల్లు అరవింద్ కుమారులు అల్లు అర్జున్, శిరీష్, బాబి ఎక్కడా కనిపించలేదు. ఈ వీడియో విడుదలైన తర్వాత అల్లు శిరీష్ తన ట్విట్టర్ ప్రొఫైల్లో చిరు బర్త్ డే ఫోటోలను పోస్ట్ చేశాడు. అయితే అభిమానులు మరియు నెటిజన్లు అల్లు అర్జున్ రాకపోవడానికి గల కారణాలను విశ్లేషిస్తున్నారు.
ఇదిలా ఉంటే, మెగా ఫ్యామిలీ అంటే ఒంటి కాలి మీద లేచే రామ్ గోపాల్ వర్మ మరొకసారి వరుస ట్వీట్లతో చెలరేగిపోయారు. చిరు బర్త్ డే వేడుకలకు హాజరు కాకపోవడం లోనే అల్లుఅర్జున్ తెలివితేటలు కనిపిస్తున్నాయి అంటూ ట్వీట్ చేశారు. దాని తర్వాత మరో ట్వీట్ చేస్తూ ఒరిజినల్ మెగాస్టార్ చిరంజీవి తర్వాత ప్రస్తుతం ఉన్న ఒకే ఒక్క మెగాస్టార్ అల్లు అర్జున్ అని ట్వీట్ చేశారు. వర్మ ట్వీట్లపై నెటిజన్స్ తమ అభిప్రాయాలను వ్యక్తం చేస్తున్నారు.
The intelligence of @alluarjun is in not to attend @KChiruTweets celebrations is becos he is a self made star and shouldn’t join family parasites like @IAmVarunTej @IamSaiDharamTej @PawanKalyan @AlwaysRamCharan etc etc who just exist by sucking the success of MEGA @KChiruTweets
— Ram Gopal Varma (@RGVzoomin) August 23, 2021
After the original Mega star @KChiruTweets the only present MEGA STAR is @alluarjun
— Ram Gopal Varma (@RGVzoomin) August 24, 2021
