ప్రస్తుతం ఇండియన్ సినిమా ఇండస్ట్రీ థియేట్రికల్ బిజినెస్ పునర్జీవనం కోసం ఎదురుచూస్తుంది. అయితే, కొంతమంది ఇప్పటికే దాని మీద ఆశలు వదులుకున్నారు. తమ సినిమాలను ఓటీటీ ప్లాట్ ఫామ్ ద్వారా విడుదల చేయాలని నిర్ణయించుకున్నారు. పృథ్వీరాజ్ సుకుమారన్ మరియు సూర్య తమ సినిమాలను డిజిటల్ ప్లాట్ ఫామ్ లో విడుదల చేసి కొత్త ట్రెండ్ ను సృష్టించారు. ఇప్పుడు, తాప్సీ వారి జాబితాలో చేరనుంది.
తాప్సీ పన్ను చివరగా నటించిన సినిమా ‘హసీన్ దిల్రుబా’ ఇది ప్రత్యక్ష డిజిటల్ విడుదలను ఎంచుకుంది. ఈ సినిమా నెట్‌ఫ్లిక్స్‌లో విడుదల అయ్యింది. ఆమె తదుపరి చిత్రం ‘రష్మీ రాకెట్’ కూడా ప్రత్యక్ష ఓటీటీ విడుదలను ఎంచుకుంటుంది. ప్రముఖ ఓటీటీ ప్లాట్ ఫామ్ జీ5 ఈ సినిమా డిజిటల్ విడుదల కోసం నిర్మాతలకు 58 కోట్లు ఇస్తున్నట్లు సమాచారం. దీని ఓటీటీ విడుదలకు సంబంధించిన అధికారిక ప్రకటన త్వరలో వెలువడే అవకాశం ఉంది.
ఈ సినిమాలో తాప్సీ రన్నింగ్‌ క్రీడాకారిణి రన్నింగ్‌ క్రీడాకారిణిగా నటిస్తోంది. అంతర్జాతీయ ఛాంపియన్ గా మారడానికి ఆమె చేసిన ప్రయాణం ఈ సినిమా ప్రధాన సారాంశం. అభిషేక్ బెనర్జీ, సుప్రియా పాథక్ మరియు ప్రియాంశు ఈ చిత్రంలో ఇతర ముఖ్య పాత్రలు పోషిస్తున్నారు. ఈ చిత్రానికి ఆకర్ష్‌ ఖురానా దర్శకత్వం వహిస్తున్నారు మరియు రోనీ స్క్రూవాలా RSVP బ్యానర్‌పై దీనిని నిర్మిస్తున్నారు.
మలయాళ నటుడు పృథ్వీరాజ్ సుకుమారన్ తన సినిమాలను ఓటీటీ ప్లాట్ ఫామ్ ద్వారా విడుదల చేయాలని నిర్ణయించుకున్నారు. అతను నటించిన చివరి రెండు సినిమాలు ‘కోల్డ్ కేస్’ మరియు ‘కురుతి’ ఇప్పటికే అమెజాన్ ప్రైమ్ వీడియో లో ప్రసారం అవుతున్నాయి.
తమిళంలో సూర్య నటించిన సూరరై పోట్రు (ఆకాశం నీ హద్దురా) సినిమాను అమెజాన్ ప్రైమ్ వీడియో లో విడుదల చేశారు. సూర్య తన తదుపరి నాలుగు చిత్రాలను కూడా ఓటీటీ ప్లాట్ ఫామ్ లో విడుదల చేయడానికి ఒప్పందం కుదుర్చుకున్నారు.
