ప్రశాంత్ నీల్ మరియు ఎన్టీఆర్ కలయికలో వస్తున్న సినిమాలో ఎన్టీఆర్ ఒక రాజకీయ నాయకుడి పాత్రలో కనిపిస్తారని ఊహాగానాలు వస్తున్నాయి. ఈ వార్తలు ప్రస్తుతం సోషల్ మీడియాలో వైరల్ అవుతున్నాయి. తారక్ అభిమానులు ఈ వార్త విని ఉక్కిరి బిక్కిరి అవుతున్నారు.
చాలా సంవత్సరాల నుండి ఎన్టీఆర్ యొక్క రాజకీయ ప్రవేశం గురించి ఎన్నో ఊహాగానాలు వస్తున్నాయి. కానీ ఎన్టీఆర్ తన రాజకీయ రంగా ప్రవేశంపై నిశ్శబ్దం కొనసాగిస్తూ, సినిమాలపై దృష్టి పెట్టారు. అయినప్పటికీ, నిజమైన రాజకీయాల్లో అతను ఒక పెద్ద పాత్ర పోషించాలని అభిమానులు కోరుకుంటున్నారు.
ప్రశాంత్ నీల్ తీయబోయే సినిమాలో రాజకీయ నాయకుడి పాత్ర పోషించడం ద్వారా అభిమానుల కోరిక నెరవేరుతుందని భావిస్తున్నారు. ఈ సినిమా ఎన్టీఆర్ 31వ సినిమాగా తెరకెక్కనుంది. ఈ సినిమాను మైత్రి మూవీ మేకర్స్ నిర్మిస్తున్నారు.
తారక్ పుట్టిన రోజు సందర్భంగా ఈ చిత్రం అధికారికంగా ప్రకటించబడింది. మరోవైపు ఎన్టీఆర్ 30వ సినిమా కొరటాల శివ తో చేయనున్నారు. ఈ సినిమాలో ఎన్టీఆర్ ఒక విద్యార్థి నాయకుడిగా కనిపిస్తున్నట్లు సినీ వర్గాల సమాచారం. ఈ రెండు సినిమాలు ఎన్టీఆర్ ఒక్క రాజకీయ అంశాలను సూచిస్తున్నాయని అభిమానులు భావిస్తున్నారు.
